Yaad aayeinge ye din,

Campus mein wo pehla chan;

Papa ke peeche admission office tak jaana,

Saare chehre ek-sa lagna;

Wo nasheeli aankhon mein doobna,

Seniors ka gusse se ghoorna;

Wo necks down karke chalna,

Dabi awaaz mein 2nd year ko gaaliyaan nikaalna;


Wo hostel ki terrace pe ekatrit hona,

Jhuke kamar aur tohfa kabool karwana;

Wo Freshers night ka intzaar karna,

Fashion show mein siti bajaana;


Wo Pepe ki Jeans,

Aur Pimple ke creams;

Wo uska phone number milna,

Saari raat SMS-SMS khelna;


Wo college ki pehli Fight,

Judge ban decide karna kaun hai Right;

Fati Jeans ko Fashion bataana,

Uski Tank Top pe nazar tikaana;


Wo doston ki nayee-nayee scene set karana,

Principal ki chamber aur usey akele  jhelna;

Poore semester college Bunk karna,

Marks kam milne pe HOD ko sunaana;


Har choti khushi ki badi Party manaana,

Mahine ke beech pocket khaali hona;

Wo cigarette ki pehli kash,

Har doosre din badalna Recent Crush;


Ek mobile aur chaar SIM rakhna,

Poori raat number badal baatein karna;

Facebook-Orkut pe puraane Doston ka milna,

Exam ki pehli raat tak kuch nahi Aana;


Wo Samose aur Chai waali Canteen,

1st year waali ko bataana- She is Mine;

Exam hall mein chit paas karna,

Please-please kar extra time lena;


Wo doston ki EGO problem sehna,

Har kisi ki Gossip sunna;

Fastrack ki wo sports ghadi,

Farewell pe uski wo low-waist saari;


Wo Doston ki Love stories Discussion,

Aur saala apne time pe hi Recession;

Wo baarish ki Romantic Season,

Aur break-ups ke ajeeb Reason;


Wo college ki pehli Placement milna,

Notice board pe apna naam tangna;

Wo proposals ke naye Funde apnana,

Jawaab ke Intzaar mein dimaag ka fatna;


8085 ke wo chaalish Pin,

Professors ki wo classamate Kin;

College ke peeche waadiyon waala Scene,

Yaad aayeinge ye College ke Din;